ನಿರ್ದೇಶಕ ನಾಗಶೇಖರ್ ಅವರ ಅದ್ದೂರಿ ಬಹು ಕೋಟಿ ಚಿತ್ರ ‘ಮೈನಾ’ ನಿರ್ಮಾಪಕ ಎನ್ ಎಸ್ ರಾಜಕುಮಾರ್ ಅವರಿಗೆ ತಯಾರಿಸಿರುವ ಚಿತ್ರ ತಂತ್ರಜ್ಞಾನ ಮಟ್ಟದಲ್ಲೂ ಸಿನೆಮವನ್ನು ಇನ್ನಷ್ಟು ಪಕ್ವ ಮಾಡಿಕೊಳ್ಳುತ್ತಿದೆ. ರಾಜೇಶ್ ರಾಮನಾಥ್ ಅವರ ‘ಸ್ಥ್ಯಾಯಿ ಡಿಜಿಟಲ್ ಸ್ಟುಡಿಯೋ ದಲ್ಲಿ ಫೈನಲ್ ಮಿಕ್ಸಿಂಗ್ ಪೂರ್ತಿಗೊಳಿಸಿದ್ದು ಈ ವಾರದಲ್ಲೇ ಮೊದಲ ಪ್ರತಿಯನ್ನು ಪಡೆಯುವ ಹಂಬಲದಲ್ಲಿ ಇದೆ ಚಿತ್ರತಂಡ. ಅಂದ ಹಾಗೆ ‘ಮೈನಾ’ ಚಿತ್ರವೂ ಫೆಬ್ರವರಿ ೧೪ ರಂದು ? ಪ್ರೇಮಿಗಳ ದಿವಸದಂದು ಬಿಡುಗಡೆ ಆಗುವ ಎಲ್ಲ ಸಾಧ್ಯತೆಗಳು ಹೆಚ್ಚಾಗಿದೆ.

ನಿರ್ದೇಶಕ ನಾಗಶೇಖರ್ ಅವರ ತೃತೀಯ ನಿರ್ದೇಶನದ ಚಿತ್ರ. ಈ ಹಿಂದೆ ‘ಅರಮನೆ’ ಹಾಗೂ ‘ಸಂಜು ವೆಡ್ಸ್ ಗೀತಾ’ ಚಿತ್ರಗಳಿಂದ ಜಯಭೇರಿ ಹೊಡದ ನಿರ್ದೇಶಕರು ನಾಗಶೇಖರ್.
ಸಾಧು ಕೋಕಿಲ ಅವರು ಈ ಚಿತ್ರಕ್ಕೆ ಹಿನ್ನಲೆ ಸಂಗೀತವನ್ನು ಅದ್ಬುತವಾಗಿ ಮಾಡಿಕೊಟ್ಟಿದ್ದಾರೆ ಎನ್ನುತ್ತಾರೆ ನಿರ್ದೇಶಕ ನಾಗಶೇಖರ್.
ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅರ್ಪಿಸುವ ಓಂಕಾರ್ ಮೊವೀಸ್ ‘ಮೈನಾ’ ನಿರ್ಮಾಪಕರು ರಾಜಕುಮಾರ್ (ವಜ್ರೆಶ್ವರಿ ಕುಮಾರ್). ಇದು ಟೈಗರ್ ಬಿ.ಬಿ. ಅಶೋಕ್ ಕುಮಾರ್ ಅವರ್ ವೃತ್ತಿ ಜೀವನದಲ್ಲಿ ಕಂಡುಬಂದ ಘಟನೆ ಆಧಾರಿತ ಚಿತ್ರ ಮುಖ್ಯವಾಗಿ ಭಾವನೆಗಳನ್ನೇ ಜೀವಳವಾಗಿ ಇಟ್ಟುಕೊಂಡಿರುವ ಕಥಾವಸ್ತು. ಕರ್ನಾಟಕದ ಅತೀ ಸುಂದರ ತಾಣಗಳಲ್ಲಿ ಚಿತ್ರೀಕರಿಸಿರುವ ನಿರ್ದೇಶಕರು ಪ್ರತಿಯೊಂದು ದೃಷ್ಯವು ಸುಂದರ ಎನ್ನುತ್ತಾರೆ.
ಹೆಸರಾಂತ ತಮಿಳು ನಟ ಶರತ್ ಕುಮಾರ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಿದ್ದಾರೆ. ಚೇತನ್ ಕುಮಾರ್ (ಆ ದಿನಗಳು ಖ್ಯಾತಿ) ಹಾಗೂ ನಿತ್ಯ ಮೆನನ್ ಪ್ರೇಮಿಗಳ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.
ಸತ್ಯ ಹೆಗ್ಡೆ ಅವರ ಛಾಯಾಗ್ರಹಣ ಎಲ್ಲರನ್ನು ಮನಸೂರೆಗೊಳ್ಳುವುದು ಖಂಡಿತ ಎನ್ನುವ ಅಭಿಪ್ರಾಯ ಚಿತ್ರತಂಡದಿಂದ ಕೇಳಿ ಬರುತ್ತಿದೆ. ಹಾಗೆಯೇ ಜಾಸ್ಸಿ ಗಿಫ್ಟ್ ಅವರ ರಾಗ ಸಂಯೋಜನೆಯಲ್ಲಿ ‘ಮೈನಾ ಮೈನಾ ನೀನೆ ನನ್ನ ಪ್ರಾಣ ಅನ್ನೋದಿಲ್ಲ ನನ್ನಾಣೆ..ಪ್ರಾಣ ಇಂದೆಲ್ಲ ನಾಳೆ ಹೋಗೋದೇನೆ..ನೀನಗೇನೂ ಅನಬೇಕೋ ನಾ ಕಾಣೆ....ಕೇಳುಗರ ಮನಗೆದ್ದಿದೆ. ಆನಂದ್ ಆಡಿಯೋ ಸಂಸ್ಥೆಯಿಂದ ಬಿಡುಗಡೆ ಆದ ‘ಮೈನಾ’ ಧ್ವನಿ ಸುರುಳಿ ಉತ್ತಮ ಪ್ರತಿಕ್ರಿಯೆಯನ್ನು ಮಾರುಕಟ್ಟೆಯಿಂದ ಪಡೆದುಕೊಳ್ಳುತ್ತಿದೆ.

ಜೋನಿ ಹರ್ಷ ಅವರ ಸಂಕಲನ, ರವಿ ವರ್ಮ ಅವರ ಸಾಹಸ, ಇಮ್ರಾನ್ ಸರ್ದಾರಿಯ ಅವರ ನೃತ್ಯ ನಿರ್ದೇಶನ, ಅರುಣ್ ಸಾಗರ್ ಅವರ ಕಲಾ ನಿರ್ದೇಶನ, ವಿ ನಾಗೇಂದ್ರ ಪ್ರಸಾದ್, ಕವಿರಾಜ್ ಅವರ ಗೀತ ಸಾಹಿತ್ಯ, ರಾಜನ್ ಅವರ ಸ್ಪೆಷಲ್ ಎಫ್ಫೆಕ್ಟ್ಸ, ಡಿಜಿಟಲ್ ಶ್ರೀನಾಥ್ ಅವರ ಸ್ಥಿರ ಚಿತ್ರಗಳು ‘ಮೈನಾ’ ಚಿತ್ರಕ್ಕೆ ಒದಗಿಸಿದ್ದಾರೆ.